Sujets

Fasnacht 2016

Rhy-Waggis

"Je suis Waggis"

Fasnacht 2017

Rhy-Waggis

"Mir schwinge im 22 z Prattele"

Fasnacht 2018

Rhy-Waggis

"Alti Dante, ledig, suecht - wettsch au e Mimösli?"

Fasnacht 2018

die verruggte Hüener

"Vegan isch e Wahn"

Fasnacht 2019

Rhy-Waggis

"Fräulein hänn sie mys Hündli gseh?"

Fasnacht 2019

die verruggte Hüener

"20 joor Fasnachtsfüür uffem Mayefels"

(Nit-)Fasnacht 2020

Rhy-Waggis

"Syt 5 joor uff dr phirsch"

(Nit-)Fasnacht 2020

die verruggte Hüener

"Dr Hundespielplatz uffem Gottesacker"

(Nit-)Fasnacht 2021

die verruggte Rhy-Waggis

"Kai Fasnacht - nit mit uns!"

Summerfasnacht 2021

die verruggte Rhy-Waggis

"Mir hoole Fasnacht zrugg ins (unser) Lääbe"

Fasnacht 2022

die verruggte Rhy-Waggis

"Mir fusionierä"

S isch gsy vor rund zwai joor,

Do hetts in dr schwiz ghaisse s gäb e grossi gfohr,

Ä kääfer kunnt uff ys zue in grosse schritt,

Glaubt hänn mir das aber nit.

Corona do corona deert,

Sunst hesch nyt me anders gheert.

Noch rund eme joor mit dem saich,

Hett ain ganz birrewaich,

In dr fränkegarasch unde,

E fasnachts waage ahzunde.

Zerscht kai fasnacht kenne mache,

Und denn passiere sottigi sache,

Jänu jetzt ischs halt so,

Doch wo e dyrli zue goht duet e ander uff goh,

Kurzerhand klopft ain ah,

Er haig e supper idee gratt gha,

Mit zwai lyt uffem waage s isch nit zem lache,

Rendierts nit zem fasnacht mache,

Drum froogi aifach so wänn mirs nit probiere,

Und zämme fusioniere?

Gesagt getan uff scheeni stunde hänn mir gschwore,

Die verruggte Rhy-Waggis sin gebore.

E wyteri fasnachts pause,

Trybt ys ze e huffe flause,

No hänn mir doch, sy nit ganz bache,

Im septämber 2 daag kenne fasnacht mache,

Nur s komitee findets nit dr hit,

Dr obmaa sait: mir mache nit mit,

Im allgemaine isch s e schnapsidee,

Griessli s fasnachtskomitee.

Jänu was witt? Isch s hald eso,

Mit so saich wänn mir ys nit no ummeschloh.

Drum fusioniere mir s isch dr hit,

Mit allne - nur zem fako wänn mir nit!

Sommerfasching Meerane (D) 2022

die verruggte Rhy-Waggis

"Wir leisten Entwicklungshilfe."

Ob im Sommer oder im Winter,

Wenn’s um Fasnacht geht dann spinnt er.

Die Rede ist von mir,

Darum steh ich jetzt auch hier.

Ich steh irgendwo im deutschen Land,

«Mit däm Waagezeedel in dr Hand.»

Als Schweizer «Waageclique» , es ist kein Gefasel,

Kommen wir aus einer Fasnachtshochburg, nähe von Basel.

Wir haben uns gedacht, es sei nie zu spät,

Um zu zeigen wie Fasnacht richtig geht.

Es Beginnt ja schon beim kostümieren,

Bei uns ist es verpönt sich das Gesicht mit Schminke an zu schmieren,

Bei uns ist das einfacher und man hat länger Freude dran,

Bei uns hat man eine «Larve» an.

Und bitte hört auf diesen «Maske» zu sagen,

Sonst «gummp» ich euch noch an den Kragen.

Auch zu erwähnen ist, «goppeletti»,

Es heisst «Räppli» und nicht Konfetti.

Auch das Faschingsfestabzeichen,

Könnt ihr aus dem Wortschatz streichen,

Man kann sie zwar bei uns auch abkaufen,

Nur dass sie unter dem Namen «Blaggedde» laufen.

Dann wären da noch die Süssigkeiten, die geilen,

Die wir «Wäägeler» verteilen,

Wenn wir die als vom «Waggiswaagen» schmeissen,

Tun die bei uns «Dääfeli» heissen.

Normalerweise verteilen «Waggis» Rosen,

Orangen und Mimosen,

Doch jetzt sind sie nicht Saison, «d Mimöösli,

Drum syg z friede mit me Röösli!»

Holzschuhe aus Holland denkt sich jedes «Dotteli,

Hesch e Egge ab? Däbe sait me Zoggeli!»

So könnt ich euch stundenlang belehren,

Dann würdet ihr euch aber nur beschweren,

Das Basiswissen habt ihr jetzt bekommen,

Ich hoffe ihr habt es auch aufgenommen,

Und solltet ihr dies doch noch nicht begreifen,

könnt ihr ja wieder zum «Waagezeedel» greifen

Fasnacht 2023

die verruggte Rhy-Waggis

"Mir hänn Entwiggliggshilf glaischtet"

Im Septämber vor ai – zwai Joor,

Hänn mir doch, s isch wohr,

Noch de Corona-Fasnachte ains und zwai,

Yhglade zer Summerfasnacht in unsem Cliquedyhai.

Zwar ohni Umzug und au ohni Räppli,

Ohni FAKO und ohni Käthi in Adilette-Schläppli,

Wohrschyyns – s isch nit yberdryybe,

Isch sy denn scho im Lift stegge blyybe.

S hett nit vyyl gfhält fir e richtigi Fasnacht an däm Oobe,

S isch gsoffe worde im Goschdym und mit Schwoobe.

Schwoobe? Jä dasch scho rächt,

7 Stund isch dä gfahre – do wird aim fascht no schlächt.

Mit de Öv isch er ze uns gfahre,

Ohni mieh und Köschte z spaare.

Er fänd das cool s haut ihn us de Fuege,

Wir machen das jetzt auch kommt koh luege.

So sy mir fir d Summerfasnacht bekannt,

Das sogar jetzt au im Schwoobeland.

Im letschte Summer sy mir mitem Karre,

8 Stund uff Meerane gfahre,

Mit Goschdym, Larve, allem drumm und drah,

Nur an Stell vom Waage hänn mir e Ladäärne gha.

So waiss jetzt jedes dütsche Dotteli,

Was sy Dääfeli, was sy Zoggeli,

Fraue bykömme Röösli,

E Hampfle Räppli und e Mimösli.

Mir hänn Entwiggliggshilf glaischtet und dasch toll,

Denn die Dütsche sy jetzt unsi Frinde und kemme jedes Moll.

Fasnacht 2024

die verruggte Rhy-Waggis

"Fyyr und Flamme, im Europa Park brennts hald amme."

Hösch Digge kunnsch au mit,

In Europa Park - das wär dr Hit.

Knappi anderthalb Stund hänn mir bis deert ahne,

Und freye ys scho sehr uff d Bahne.

Mir sy Fyyr und Flamme kennes kuum erwarte,

Mit dr Silver Star duure z starte,

Doch nochere Stund ahstoh - das isch s bescht,

Haissts: "haben sie bitzli Geduld wir stecken grad fescht",

Jänu so denn denn ischs hald so,

Mir blybe no zwai Stund in dr Schlange stoh,

Denn dängge mir s miechi Spass,

Uff dr Atlantica wirdsch e bitzli nass,

Kuum stehn mir in dr Schlange,

ischs wieder nit lang gange,

Do haisst: " diese Info tut uns leid,

Auch hier stecken wir fescht - wenns weitergeht geben wir bescheid".

Noch däm ganze warte rauchsch no gärn e Stumpe,

Wettsch luege wie sy us 20 Meter ins Wasser gumpe,

Kuum gumpt ain gumpt au scho dr ander,

Und bevor sy nass sy gheit s Wasserbeggi usenander.

E gmiedliggi Bootsfahrt das wär jetzt scheen,

Dr Grund wyso mir jetzt uff Batavia geehn,

Doch kuum dien mir im Böötli sitze,

Mien mir hueschte und dien schwitze,

S Schiffli hett Fyyr gfange und das isch s Schlimme,

Jetzt gits nur no ains: sälber schwimme!

Guet geehn mir halt e Hyysli wyter,

Doch au die Entschaidig isch bitz schiter,

Bym ahstoh kunnt e Durchsag: " sie müssen bitz präsieren,

Wir müssen grad den Park evakuieren,

Die Tirolerwildwasserbahn es ischt ein Wahn,

Wird grad zur Lieschtaler Chienbesenbahn"!

Drumm hätte mir fir eyre näggsti Bsuech e Bitt:,

Nämmet doch e Fyyrlöscher mit!

R.m.ö